აჭარაში ლეგენდარული როკ-ვარსკვლავის ჯონ ლენონის ორეული გამოჩნდა. ის საქართველოში პირველი ლედის სანდრა რულოვსის მოწვევით ჩამოვიდა.

ეს არის ავსტრალიელი მომღერალი მარკუს ქამელი, რომელიც “ბითლზისა” და ჯონ ლენონის თაყვანისმცემელია. სწორედ ამიტომ გადაწყვიტა მომღერალმა გარეგნულად ლენონს დამსგავსებოდა.

მარკუს ქამელმა ქობულეთში, სასტუმრო “ჯორჯიან პალასში” მინი–კონცერტი გამართა და ლეგენდარული “ბითლზის” ცნობილი ჰიტები შეასრულა. სანდრა ელისაბედ რულოვსმა მარკუს ქამელს ჩამოსვლისთვის მადლობა გადაუხადა.